Frequently Asked Questions(FAQs) & Help
Posted By: Admin
Welcome to upbc.net

Want to ask any question regarding Prize Bonds
Are you facing any difficulties to using upbc.net

Here you can ask any question you want and all members including us will help you resolve your problems.
Posted On: 14 Jul 2010
Posted By: Admin
UPBC.net per Prize Bonds Kaise check karain?

UPBC.net per prize bonds check karna buhat asan hai. Hum ne aap ki saholat ke liye website ke main page ko do hison mein taqseem kiya hua hai. Left Panel ya Entry Panel or Right Panel ya Result Panel.

Misal ke tor per aap ko Rs.200 wale bonds check karne hain to aap Left panel per sab se pehle Rs.200 drop down box se denomination select karain is ke baad Enter Key press karain to aap ka cursor FROM filed per muntaqil ho jayega. Ab agar aap ko single bond check karna hai to aap woh number enter kar ke ek baar phir se Enter Key press karain to cursor TO field per ajayega ab aap ek baar phir se Enter Key press karain aur system aap ka number check kar ke aap ko result bata dega.

Aap bond range mein bhi check kar sakte hain misal ke tor per agar aap ke paas Rs.200 wala pura packet hai to aap FROM field mein pehla number enter karain aur TO field mein akhri number enter kar ke Enter Key press karain aur system pure packet ke numbers check kare ke aap ko result show kar dega.

Start mein aap ko shayad thora masla ho lekin ek baar aap is tareeqe se manoos ho gaye to phir aap ko yeh checking system buhat asan aur tez lagega. Aap ki saholat ke liye system history bhi maintain karta hai ta ke aap ko pata chale ke system ne bilkul sahi prize bond numbers check kiye hain.
Posted On: 9 Jul 2013
Posted By: Admin
Profile kiya hian aur Prize Bond save karte waqt profile bana kyun zaroori hai?

UPBC.net ne aap ki sahoolat ke liye profiles mutarif karwai hai. Is ke zarye aap ko kafi sare fawaid mil sakte hain. Yaad rahe ke UPBC.net per Prize Bond numbers save karne ke liye aap ko register hona zaroori hai is se system aap ko pehchan sakta hai aur aap dubara se login ho kar jab bhi chahain apne Prize Bond numbers na sirf check kar sakte hain balke un ko update ya delete bhi kar sakte hain.

Profile ke fawaid:

Profile ka sab se bara fiada to yeh hai ke aap different denomination ke Prize Bond numbers different profile bana kar save kar sakte hain. Jaise 100 wale numbers "My Profile 100" aur 200 wale numbers "My Profile 200" ke naam se save kar sakte hain is tarah aap asani se apne sare numbers ko alag alag profiles mein manage kar sakte hain.

Isi tarah agar aap ki family mein 5 afrad hain aur sab ke paas apne Prize Bond numbers hain to aap ko un sab ke liye UPBC.net per alag alag account banane ki zaroorat nahin balke aap ek hi account mien aap apne sare family members ke liye alag alag profile bana sakte hain. Isi tarah karobari hazrat apne clients ke numbers alag alag profile bana kar save kar sakte hai.

Is ke ilawa agar aap ke paas ek hi number ke 2 Prize Bonds hain to aap un ko alag alag profile mein save karain kyun ke system ek hi number ko 2 baar ek hi profile mein save karna allow nahin karta is ka ek faida yeh bhi hai ke jab system aap ko wining prize ki emial karega to aap ko 2 dafa email milegi jis se aap ko ba asani pata chal jayega ke aap ne yeh prize 2 baar win kiya hai.
Posted On: 9 Jul 2013
Posted By: Admin
UPBC.net per mein apne Prize Bond numbers kaise save karoon?

UPBC.net per Prize Bond numbers save karna buhat asan hai. Apne Prize Bond numbers check karne ke baad bas aap ko main page mein neeche ki taraf diye hue Disk ke icon ko click karna hai aur bas phir system aap ko login ka option dega. Login karne ke baad bas aap ko yeh select karna hai ke New Profile banani hia yar pehle se mojood Profile mein numbers save karne hain. Is tarah aap ko numbers save ho jain ge.
Posted On: 9 Jul 2013
Posted By: Admin
Kiya system mujhay mere winning Prize ki email send karega?

Ji biklul system aap ko aap ke win kiye hue Prize ki email send karega jis mein aap ke prize se mutaliq sari information hogi. Yani Profile ka naam, Prize amount aur jeeta hua Prize Bond number wagerah wagerah.
Posted On: 9 Jul 2013
Posted By: Admin
Hum ne koshish ki hai ke UPBC.net se mutaliq sare general sawalon ko Roman Urdu mein apne users ko samjhaya jaye ta ke woh is service se ziada se ziada faida utha sakain. Agar aap ke zehan mein koi aur sawal ho jo hum yahan discuss na kar paye hoon to please aap yahan post kar dain hum aap ko reply dene ki puri koshish karian ge.

Isi tarah website ke baqi users bhi is message board ke zarye ek doosre ki help kar sakte hain. Yehi is message board ka maqsad bhi hai.

Hum humare users ke buhat mashkoor hain jinho ne humari service ko use kiya aur pasand bhi kiya aur humain apni raye se nawazte rahe.
Posted On: 9 Jul 2013
Posted By: naveed abbasi
drea sir
aslamualukum
me ap ki ye service kafi arse se istemal kar raha hon aur jo apne changes ki hen wo muje bohat pasand aye hen.me apna email add change karna chata hon apne profile me
Posted On: 3 Aug 2013
Posted By: Shakil Hasan
Jab mein apne number save kar loon tou unko wapas kaise dekhoon ya display karoon
Posted On: 29 Aug 2013
Posted By: Admin
@naveed abbasi

Email account ki identity hai jis ko aap change nahin kar sakte.

@Shakil Hasan

App www.upbc.net per login kar ke Manage Profile ke option mein jain. Wahan aap ko top right corner per ek dropdown nazar araha hoga us se aap profile select karain jis profile mein aap ne apne Bond numbers save kiye hain aur system aap ko us profile se related sare save kiye hue numbers show kar dega. Yahan se aap is profile me mazeed bond numbers add kar sakte hain ya pehle se add kiye hue numbers ko edit kar sakte hian. Delete ka option bhi yehi mojood hai. Is ke ilawa aap in numbers ko dubara se check bhi kar sakte hain. Yani yahan aap ko sare options mil jain ge.
Posted On: 29 Aug 2013
Posted By: muhammad usman
Bond kitne saal ke leye valid hota hai? mere pass aik winning bond 
Posted On: 1 Sep 2013
Posted By: zamir ahmed
Aslamualikuk, kisi bi new prize bond ka draw main shamal honay say phela  kitnay Din ya arsa phelay issu hona lazmi hay 
Posted On: 3 Sep 2013
Posted By: Admin
@muhammad usman
Prize Bond ke inamat 6 saal tak valid hote hain.

@zamir ahmed
Walaikum Asalam, Prize Bond 2 mahine pehle issue hona zaroori hai warna woh agle draw mein shamil nahi hote.
Posted On: 3 Sep 2013
Posted By: shiekh yasien
Posted On: 10 Dec 2013
Posted By: Noor Hassan

Why that system not check my profiles for last two or three months.

Posted On: 6 Feb 2014
Posted By: Admin
@Noor Hassan

We recommend you to use Google Chrome for our website it will resolve your problem.

Thanks,
Admin UPBC.net
Posted On: 6 Feb 2014
Switch to Page No.    Showing page 1 of 2 pages
Please click here login first to Post Your Reply.